Förðun

Þuríður Stefánsdóttir (Þura) lærði tísku og ljósmyndaförðun hjá myndlistar- konunni Línu Rut Karlsdóttur fyrir um 15 árum og hefur starfað við fagið síðan. Auk þess er hún snyrtifræðingur með meistara- og alþjóðleg Cidesco réttindi í snyrtifræðum.

Þura hefur m.a. starfað á snyrtistofu, kennt förðun og snyrtingu og haldið förðunarnámskeið fyrir konur á öllum aldri. Auk þess framleiðir hún sína eigin förðunarlínu MakeUpTime4U.

Árið 2008 gaf Þura út metsölubókina Förðun – þín stund sem inniheldur alla helstu grunntækni í förðun og nauðsynlegar upplýsingar um förðun og umhirðu húðar fyrir konur á öllum aldri.